Ye’ve Caught Me Lookin’ In

That sma’ snell wind
Snufflin the vagrant flooers.
Sends hours and hours o’ memory
Ticklin’ ma fancy, twinned
As t’is wae trenchant history.

It’s simmer in the Neuk.
That brief ‘Book of Hours’
Tae tell o’ showers and sin, but
thin oan sex and sun;
Save fir a Calvinist tak oan fun.

It’s cleansing tho’,an’ set fir thocht
An’ fu o’ the glow July has brocht.
Yet aw’ the shimmer oan the firth
Jist lacks in mirth and glee.
An’ I fir wan will never see the joke.

But pleasure sure, though layered thin.
Like watching as the tide rolls in.
Then catching it gaun oot again.
It’s idling nature at its best;
An’ hellish boring, I’d suggest.

Ma musings hiv that bitter tinge,
A whinge frae wan Ootsider.
Tho’ wider I micht cast ma net,
wae verse tae snag some torn erse,
Who’ll think he is ma better…

NB:

The Neuk is the East Neuk of Fife, a strong Calvinist heartland. Torn Erses are what people from Pittenweem call the people from St Monans.