From the UKAuthors Collection
THAT`S WHAT FRIENDS ARE FOR
By zenbuddhist · Originally published 12 December 2003
This one`s fur Billy Nae Teeth........even though he did bar me fae his pub [the thievin gypsy b'stard]

Ah dinnae like tae see him like this. It’s just no like him. Of course ah could gie it aw the ‘whit the fuck’s up wi ye ye cunt, tell her tae fuck off, when it’s over it’s over.’ After aw it wouldnae be the first time ah`d offered ma expertise in the field o relationship counselling. But ah just cannae bring masel tae speak tae him like that. So ah try a different tact. ‘Look Paddy she’s lyin tae ye, ye wid think that wi the number o porkies she tells she`d be better at it, she`ll be doon that flat suckin Pakie cock as we speak, nothin surer.’ Ah catch the spray on ma new dress jaeket as the dirty bastard splutters intae his pint. ‘Whoa hold on man, catch a fuckin grip, they`ll think yer a fuckin sheep shagger if ye keep that up, this is a fuckin cocktail bar ye ken.’ Ah look roond tae see if any fanny [or more importantly the bouncers] noticed but ah think we’re in the clear. ‘She`s been leadin ye by the prick fur ages noo anyways. It’s time tae move on. Trust me, ah ken.’
‘Pakie cock! Whit the fuck r ye on aboot Pakie cock?’ eyes aw stretched oot.
‘Dinnae tell me ye didnae ken?’ but by the look on his puss ah realise that this might well be a rhetorical question. So ah kinda try tae guide the conversation intae a different vein. ‘Check these two sittin doon ower there.’ No chance o gettin a reaction though, no from someones back which is fast retreatin towards the exit door. Ah just dinnae ken whit the fuck is goin on wi ma mates these days. They`re aw turnin intae bags o soft shite.
It gets worse. Ah drain both pints an follow him ootside tae be confronted wi a grown man, heed in hands, blubberin like a bairn. Jesus H Fuckin Christ can he no see there`s folk oot on the toon starin at him? Ah spark up a joint. ‘Here man take a toke on this, look, ye ken me ah`ll no say fuck all aboot ye greetin or that, but ye’ve got tae get yer act thegether, fur fuck sake. An dinnae start gein me aw that ah’m goin hame shite, there’s fanny galore oot the night.’ He looks at me wi red raw eyes, smiles an suddenly bursts oot laughin.
‘Yer right China man ah dinnae ken whit’s wrong wi me, ah did ken, course ah did, its just..’
‘Say no more ma pal, say no more, gies that spliff, the night is yet young, we are gonna score the night, trust me.’
Ah deem that a new venue is required, so we gie that Q-bar shite a body swerve an head up toon tae the more seedy side. Paddy is fine. By that ah mean he`s no greetin or maudlin, quite quiet though but hey there’s plenty o time tae get him in the groove. Some young guy wi pinned peepers asks us if we ken anywhere he can score gear. A fuckin community worker telt me one time that ye can always tell junkies because they had such beautiful eyes. Aye right, maybe if yer a sad fuckin bullshit- talkin arse that’s got a degree in sociology they have, but no tae me. Ah cannae believe it when Paddy stops tae gie the cunt a fag but ah say fuck all. He’s like that Paddy, aywis givin beggars money an buyin the ‘Big Issue’ so there’s nae point in upsettin him. He’ll just storm off in a huff and no way am ah stottin aboot on ma own, nothin worse, ye cannae get goin properly, birds think yer a nae-mates dodgy cunt, besides once ye get a good bevy in ye ye dinnae get in anywhere decent. Fuckin bouncers, the bane o ma life, ah mean if ah wis on the door it wouldnae matter tae me if some cunt wore his hair shaved tae the wood, had a good bevy in them an wisnae wearin a pair o hush puppy loafers. There’s a new gaff just up the road wi two shaved gorillas posturin ootside, so its bound tae be fu o fanny. Ah look them in the eye an gie it the ‘aw right lads,’ they just nod an in we go, good investment this new jaekit.
Yes, a result straight away, this firey piece is givin me the eye, so ah’m up dancin wi her leavin Paddy at the bar mutterin aboot ‘goin tae a decent pub.’ He refuses tae move an her pal starts tae get aw that stroppy way, so ah gie up an go an get another couple o pints.
‘C`mon tae fuck Paddy, if ye could see yer own puss the noo, ah swear man ye look like yer wearin one o they ‘auld cunt’ rubber face masks that ye get. Jesus ye`ve got tae lighten up a bit, nae blut`s goin tae entertain that. Trust me.’
He’s lookin at me as if ah’m some kinda fuckin prick or somethin, what is it wi the cunt? After aw ahm only tryin tae help him oot. He shrugs an fucks aff tae the bogs droppin a twenty oot his back pocket on the way. That`ll dae nicely, ah could use that. Any gents up fur mair bevy, no? Oh well all the more fur me then eh, an ah can see a pair o young things lurkin in the posh seats. Fuck ah ken her. That’s that total ride Terry fae the college. She smiles ower an gies a wee wave, things are lookin up. Paddy returns and even displays a bit o enthusiasm when ah suggest we go oer an join them.
‘Hey China howzit, this is my pal Louise.’
‘What’s up Terry, an this is my pal Paddy, an ugly pal fur your ugly pal, haha.’ The lassie Louise`s puss takes on the guise of havin just bitten intae a sour lemon an Paddy’s nervous giggle rings as true as a wooden bell. Thing is her pal is ugly, no a disaster, lets just say on the plain side but she`s chatty enough when she gets goin. It seems tae be infectious because Paddy starts comin oot o his shell a wee bitty an cracks a few one liners which has us aw chucklin. Things are definately lookin up.
So its off tae a club after a few bevies. Ah slip my dope intae Paddy`s pocket when he`s no lookin, just in case we get frisked. He`ll be awright anyway, its aywis me that gets searched - comes wi the territory when ye sport a number two, dress jaeket or no dress jaeket. Ah`ll just hae tae figure oot how tae get it back without him knowin when we get inside.
No need to panic though because we all get in nae bother, the hired thugs are like that wi couples sometimes, so ah just offer tae take Paddy`s jaeket tae the cloakroom while he goes fur a piss. Easy peasy.
It kinda becomes obvious why when we get inside - a fiver entrance fee and its deed. There`s some cheap bevy offers on though, so we take advantage an get wired in.
So we`re aw a bit pissed when we get back tae my flat but definately in festive spirits. Paddy`s like a new man compared wi his early evening performance, in fact he`s gettin it on wi Terry grand style, a wee bitty too grand fur my liking. Looks like ah might have tae settle fur ugly puss McGraw. Still she`s gettin bonnier as the night gets longer. Then Terry gets up tae dance, fuck me she moves like a fuckin pole-dancer. Honest this girl is sex on legs - an no holdin back.
It takes me a wee while tae fish oot the nearly forgotten temazapam script ah`ve got lurkin in the back o a drawer in the kitchen. Yes, two left an they`re twentys, that should dae the trick nicely. Ah deposit them intae Paddy`s beer bottle hopin that they`ll no taste too bad. But no worries, he starts guzzlin away withoot even pullin a face. Ah doth my cap tae masel in congratulations on my unique perceptive intuition and evil genius. An it doesnae take long fur the plan tae kick in. Ah burn a constant trail tae the fridge an stick some hot stuff disco music on the stereo. The girls are up shakin their booties an Paddy slowly slides off the couch into a glorious unconscious slumber. Soon it gets better than my wildest hopes an dreams as they both start strippin off in time tae the hypnotic beat. Bingo.
Ah wake up alone. Mah cock is achin but who’s gien a fuck aboot that? Certainly no me! Its no the first time ah`ve had a three in a bed shaggin session but the last one cost me a 1000 guilders! When ah wander through tae the livin room ah can see Paddy tucked up nicely in the spare quilt wi a carton o orange juice next tae him. Ah notice he’s got a big plaster on his heed - he`s obviously been the subject of some tender lovin care. There`s a loud wrap on the door. Ah open it and who`s standin there but the half-mad caretaker in his usual filthy anorak. He nods in greeting.
‘Party last night son?’
‘Aye whits up some complaints aboot the music?’ He shakes his stupid heed slowly.
‘Nah it’s no that son. There was a bit o a mess on the stair that ah had tae clean up. Lets just say some-one didnae make it tae the toilet. Ye ken the score ah`ll need tae charge ye fur it.’
‘Ach well ye ken whit its like yersel sometimes it comes flying oot yer mooth before ye can get tae the door. The usual fiver eh?’ Same idiotic heed shake.
‘Nah,’ he says, ‘its a wee bitty worse than that.’
‘Eh, ah never mind, ma pals never been roond here before he wis probably dyin on a piss an couldnae find the bog, six quid dae ye?’
‘It wis blood an a dirty big shite right on the middle o the stair so that`ll be fourteen quid,’ he says, poker faced.
‘Eh, blood, shite, yer havin me on!’ but ah can tell he`s no kiddin so ah just tell him tae hud on an rifle Paddy`s jaeket fur the dosh. Ah hand it over an a big smile comes over his retarded puss. Ah just shake ma heed an close the door. The cunt must have a set rate pinned up in his stinkin pantry.
Spew....£5
Pish.. ...£6
Blood....£6
Shite......£8
Ah put The Fall on the stereo an Paddy stirs awake [as ah knew he would] he rubs his eyes open an stares roond aboot obviously experiencing difficulty in focusing an remembering where the fuck he is. He notices the orange juice an gratefully takes a long pull. Ah start tae laugh. Okay pal some state last night eh?’
‘Honest China ah cannae mind hardly fuck all after we got back here.’
‘Nae wonder, its been a while since ye`ve been oot eh.’ He fingers the plaster on his heed but ah just hold my hand up tae stop him sayin anythin.
‘Anyways ah made sure ye were awright.’
‘Cheers China yer a real pal.’
‘Dinnae mention it mukah, after aw that’s what friends are for!’
Archived reader comments
These comments are preserved as part of the historical archive and are read-only.
Re: THAT`S WHAT FRIENDS ARE FOR
I was tempted to ask if this was autobiographical...but I don't think I really want to know *S* Liked this line; "Still she`s gettin bonnier as the night gets longer." A case of never gone to bed with a dog but woken up with a few...hmm...?
love ails
Re: THAT`S WHAT FRIENDS ARE FOR
Autobiographical ??... You might think that ..I couldn`t possibly comment ....cheersZx
Re: THAT`S WHAT FRIENDS ARE FOR
LOL - very funny, Z! I had a bit of trouble deciphering what some of the words meant (and still not sure I've understood them all) but I got the gist of it in the end. I'm not too good with the broad Scottish accent and words - LOL (I work for a firm of Scottish lawyers but they don't speak like this...)
Biographical, Z? Surely not!! No, don't answer - DQ :)
Re: THAT`S WHAT FRIENDS ARE FOR
no I dont suppose they do....funny lot them lawyers...in that one it is a wee bitty hard to undertand the dialect ...must admit....but I dont see anything wrong in writing like this... sometimes its the only way to convey the humour content [lets face it it wouldn`t work in a eatoneon [sp] public school privaliged spoilt bastard accent now would it] ..in fact I enjoy it...after all I`m scottish.....I write in english as well though...best of both worlds I suppose......one thing that really gets my back up is that I get accused of copying irvin welsh.....BULLSHIT.....theres been scottish writers writing in dialect for eons....[check out the anthology 'IN YER ANE TONGUE' MIND YOU HE` ONE OF THE FEATURED WRITERS ...ANYWAY HE`S NOT AS GOOD AS ME...close though...*G*.....NEXT ONES IN ENGLISH...BUT i`VE NO FINISHED IT YET in fact I`m just away to do that the noo.....watch this space...cheers Zx
Re: THAT`S WHAT FRIENDS ARE FOR
UN ENGLISH THE NOO!
AR Y SURE YOOR ALL RIGHT LADDIE D'YI NOO WANT A CUP O TAE?
Re: THAT`S WHAT FRIENDS ARE FOR
Yes, you're right - it wouldn't have worked any other way. I struggled with it to begin with but I think the trick was to 'hear' the words in Scottish and not just read them with my English accent. Also, certain words up there obviously have a different meaning to down here - LOL. There was one thing, though - there was no way I was going to be able to give you any proofing help - wouldn't have a clue about typos amongst that lot.
As for those that accuse you of copying Irvin Welsh (to be honest I don't know him) - what - does he have a monopoly on writing in the Scottish dialect? Silly people. Take no notice of them. Do what you enjoy doing. That's what I say.
Shall be interesting to read your next one (in English)...am watching that space, for sure.
DQ :)
Re: THAT`S WHAT FRIENDS ARE FOR
I tell you, Jimmy, I'm nae attendin' the Glesga' meet, havin' seen yon man's photie!
no, good luck to you I don't have a prob with the accent. (I was brought up on 'Oor Wullie' - got the annual every Christmas) G
Re: THAT`S WHAT FRIENDS ARE FOR
& whats wrong with the image of a handsome celtic warrior pry tell...*G*...aye so did I.... one year it was the broons and the next it was oor willie....ah takes me back......THATS WHEN I USED TO ACTUALLY ENJOY CHRISMAS...CHEERS Z
Re: THAT`S WHAT FRIENDS ARE FOR
Why did Billy bar you from his pub, are you responsible for his nae teeth?
I agree with Griff, that photie is frightning. I bet it is autobiographical.
Louise`s puss takes on the guise of havin just bitten intae a sour lemon.
A classic line. I enjoyed the story - a warning about good friends!!!
Re: THAT`S WHAT FRIENDS ARE FOR
ITS ONLY A STORY
Re: THAT`S WHAT FRIENDS ARE FOR
BUT THE BASTARDS STILL NO GOT ANY TEETH.....[unlucky ..eh?]....Zx