From the UKAuthors Collection
A'm No Gaun.
By Weefatfella · Originally published 17 August 2015
You don't have a choice. When the bell tolls.
Whit the hell urr yie staunin there fur? ya durty wee parasite.
Wie yir heid inside yir hoodie, and yir boots aw covered in shite.
Can yie no see we’re aw busy here, we’ve aw goat hings tae dae.
We’re aw helpin oot an auld friend, tae take a wee rest the day.
Yir an awffie distractin wee bugger, wie they weird ootlandish claes.
How dae yie know ya wee bugger, when we’re at the end ae oor days?
A’m share A can feel yie starin. Urr yie checkin yir wee black book?
Is it me? or him? or her? That’s next. Gaun tell me, or geez a wee look.
“Don’t wrap yir hauns around the rope, it’ll burn when it’s slippin through.
The digger’s here huv a right guid grip, it’s thame that’s haudin him noo.”
Here, haud the bus, fur goodness sake, will yeez stoap fur jist a minute.
A see yeez lowerin doon a coffin here, but who’s the bugger that’s in it?
Here shuffle ower , move oot the road, A want tae read the man’s name.
Aw naw! Aw hell! Aw whit’s gaun oan? His name and mine urr the same.
That cannie be right. A’m staunin here, as bold and as large as bliddy life.
Goad, look at that wee bugger noo , he’s goat a long and curvy big knife.
An whit’s he starin at me fur ? and why’s he crookin his knobbly finger?
Naw, A’m no gaun. A’m tellin yie. A’m stayin here. Don’t say A cannie linger.
A wish yie wid huv let me know. Yie could huv phoned or sent a bliddy text.
A didnae know yie were cumin here, yi’ve goat me feart and awe perplexed.
Good God! Who urr aw they people there, sittin happily in yir cairt.
Aye, mibbe it’s time A went wie yie. Mibbe it’s time A played ma pairt.
A’ve jumped right intae the wagon, A’m happy , A’ve nae worries ataw
Fur A;m haudin the haun ae ma Faither , A’m cuddlin ma Mammie anaw.
Copyright©Weefatfella.

Archived reader comments
These comments are preserved as part of the historical archive and are read-only.
Am No Gaun.
Bugger, that raised a lump in my gullet at the end. Been a lot of that weird lingo from North of the Wall on the site recently HaHa!
Mike
Am No Gaun.
Ooooh, I wonder what gwirionedd will say??
Am No Gaun.
Here's one of his, WFF, thought you might enjoy it :)
Dalriada
Am No Gaun.
Very refreshing lore to me. It's unusual here as far as I've seen. Liked it a lot! Witty in a way. Thanks!
Am No Gaun.
Well, I really enjoyed reading this well constructed piece of poetry.I had no problem reading it in spite of the Scottish brogue.Having read a lot of Rabbie Burns made it easier.Thank you for sharing.Be lucky, Peter.