From the UKAuthors Collection

The Edinburgh Festival Part II - Bring Me The Head Of Ricky Rattray

By zenbuddhist · Originally published 10 September 2010

More festival shenanigans.

Blue is the colour o` danger, ah could see a bright blue can in the hand o` Little Alex from way up the Princes St. gardens. It was shinin in his grubby paw. Keep clear. But ah couldnae, there was nae turnin back. Course it was heavin what wi the festival an aw so there might just o` been a chance of slippin past unnoticed, ah didnae believe that, no for one second.
‘Whaay haaaay howzitgoan yacuntcha long time buddy, wantin a can? We’re just up tae a bit o’ tourist terrifyin, ken?’
Ah could see he had a good bag o` blue bombs and some guy wis lurkin in the shelter buildin a joint.
‘Cannae Alex man, ah’ve got the young laddie wi me, just up tae some festival shit, street shows an that.’
Good excuse.
‘Aw right pal - howzitgoan wee man - whit aboot the night? Wee party on up at Tollcross the night mukkah, plenty fanny.’
‘Hae tae gie it a miss mate, he’s no goin home till the morra.’
‘Okay man, soon.’
The usual hand crushin contest and we’re off.
‘Who’s that dad?’
‘An idiot.’

Some o` these street shows are aw right, ah’ve seen it aw before but there’s nothin better tae captivate a twelve year old laddie’s attention, ah just wish that maybe once when the fat bastard stands on the bed-o-nails the ‘deadly spikes’ pierce right through to the cunt wi the mohican’s heart. Now that’s entertainment. Ah’d gie him two quid anyway.
Stuck up on the stone platform thingy ah could turn roond and watch another clown, an what a prize CLOWN this bastard was; he runs up tae a wifie and her wee laddie tryin tae get past the back o` him, sticks his airms oot and gies the laddie a kick wi his big clown shoes. It wis obvious tae any cunt the wee guy wisnae quite right, autistic ah would say, the clown goes back tae his act an the laddie sort o` half runs away fae him and goes intae hysterics, real fuckin fear hysterics, it was aw his Ma could do tae hud ontae him. Ah could feel the anger, naw RAGE! PURE FUCKIN RAGE buildin up in me. Nae seethin cauldrin this, ah thought the tap of mah heed was gonna blow. But does CLOWN stop, see if the wee guy’s awright? Does he fuck, he just carries on wi his shitey ‘act’. He doesnae ken how close he came tae gettin his stupid puss punched. RIGHT THERE AND THEN! Don’t worry folks it’s all part of the show.
‘What’s wrong dad, yer shakin?’
‘Nothin pal lets get outa here.’

Twelve year old laddies dae indeed enjoy sword swallowers and flame eaters but they’re no so keen on pipe bands. And neither am I. So pipe band after pipe band marchin down the royal mile wisnae really the ideal afternoon’s entertainment. The gadgie that coined the phrase the ‘skirl’ o` the pipes wis right on the money. We were gettin ‘skirled’ good an proper. No only that it wis mobbed, packed oot mobbed. Sonny didnae look as if he wis fully appreciating ‘the festival experience’ so when ah says tae him, ‘c’mon let’s go tae the baths,’ ah wis the best dad in the world.

Got Sonny hame tae his Ma safe and sound next day but ah felt kinda empty, it’s ayeways like that when he leaves, it sortae feels like a depression o` sorts, the cure – a quarter o` dope.

‘Awright Ricky, it`s me, ah’m needein a quarter…right that’s braw…one thing though mate, this phone’s oota battery so ah’ll no be able tae phone ye when ah get intae Leith so ah’ll meet ye at Andersons at ten…eh?…aye ten man, see ye there.’

Ah couldnae see any problem after aw ah’m well old enough tae remember life without mobile phones and Ricky’s a museum piece, that’s what ye used tae dae - arrange tae meet someone, certain time, certain place, that’s it, if they dinnae turn up or you dinnae turn up, nothin ye can dae. Ricky didnae turn up.
Oh well ah says tae masel ah’ll just go oot fur a wee drink on the town, it’s been a while. Aff ah goes tae the ‘Port o Leith’, it wis just the same as the last time ah wis in, an that wis aboot five years ago. Guid crack though, ah wis talkin tae these trawlermen aboot fishin an a couple o other gadgies aboot fitba, closin time came roond a wee bit too quick though and ah had the taste. Next stop, ‘The Old Salt’.
Ah kent it wis the festival an aw but a guy walkin intae ‘The Old Salt’ wearin a pink ballet dress wis a wee bit beyond the pale. Ah looked in, it wis packed wi poofs aw screechin an swishin aroond, the bouncer saw the look on ma puss.
‘Whit’s goan on there?’ ah says, ‘this is ‘The Old Salt’.
‘No now it’s no, this is ‘Pracilla’s’.
He puffs oot his chest as if ah wis gonna try an get past him.
‘Dinnae worry pal ah’ll no be joinin the party.’
‘Yer no welcome anyway, we dinnae let homophobic dinosaurs in here.’
Ah spun roond an’ jabbed ma finger intae his puss.
‘Aye ye got that right pal, homophobia is a FEAR o` homosexuals an the thought o` havin sex wi an ugly bastard the likes o` yersel fills me fu o DREAD!’

‘If ye drop that fag dout on the pavement ah’ll fine ye thirty quid.’
‘Eh, what the fuck are ye on aboot, an who the fuck are ye?’
‘Environmental officer ah have the power…’
‘Aye, aye, aw right ah believe ye, listen pal ye dinnae ken any place that’s open roond here that isnae fu o poofs.’
‘Ower there, it’s a mixture.’
‘A mixture?’
‘Aye, a mixture o` gays an straights.’
‘That’ll dae nicely.’

Best place tae be after a night oot on the tiles, specially if yer no used tae it, is yer bed an that’s exactly where ah wis when Ricky phoned:-

‘WELL GET OOT YER FUCKIN BED!’
‘Aye aw right geeza chance, anyways whit ye goan mad aboot it wis you that never turned up.’
‘Ah wis there!’
‘Right ah’m no arguin, ma phone’s charged up ah’ll phone ye when ah get there.’

‘Get oot yer fuckin bed’ who does that cunt think he is, ah wis there, he wisnae, fuckin shoutin the odds, if he thinks ah'm rushin intae Leith at his beck `n call he’s got another think commin, ma heeds splittin, ah’m away up tae ‘the Elm’ fur a curer, ‘get oot yer fuckin bed’.

‘Fuckin hell, here’s a stranger, same ugly puss though, hah haargh, same shakey hand, what ye wantin, pint?’
‘Aye great tae see you ‘n aw, seen Good Humour Steve.’
‘Ower there.’
Ah goes ower.
‘Aw right Stevie, see Ricky Rattray, he’s gettin worse man.’
‘How what’s happened?’
‘Nothin ah’m just tryin tae get a quarter aff the cunt, it’s provin tae be…’
‘Difficult.’
‘Aye difficult.’
‘Ach ye ken whit he’s like…’
‘Hud on this’ll be the cunt now.’

‘Where are ye?’
‘Ah’m on ma way.’
‘Yer in the pub, ah can hear it.’
‘Aye but ah’m on the way, ah’ll gie ye a phone when ah get there.’
‘What are ye dayin in the pub?’
‘Ahm just leavin the now, ah’ll gie ye a phone.’

‘Ah’ll need tae go Stevie before this cunt explodes.’
‘Ah’ll get ye a quarter at six.’
‘Yer jokin are ye no, he’ll go aff his nut.’

He comes walkin along the road, puss trippin him.
‘Ah wis there, where were you?’
‘Doesnae matter, got the dope?’
Ah gies him the money an his puss is still trippin him, he’s wantin another fiver. Ah cannae be bothered arguin, ah gies it tae him an he starts tae smile.
‘That a jail shirt ye got oan?’ he says
‘Naw Ricky, it just looks like one.’

When ah gets back home ah rolls a joint, goes back tae ma bed and sends Stevie a text.

Bring me the head of Ricky Rattray

Ah’ll need tae find it first, last ah heard it wis floating aboot doon at Leith docks.

Ah laughed, says a it aw aboot the Edinburgh festival, the first time ah’d laughed in days wis at one o` Good Humour Steve’s jokes. Whose name, by the way, is IRONIC.

Archived reader comments

These comments are preserved as part of the historical archive and are read-only.

ruadh

The Edinburgh Festival Part II - Bring Me The Head Of Ricky Rattray

Entertaining in your own unique style, as always. Well done.

love ails

pdemitchell

The Edinburgh Festival Part II - Bring Me The Head Of Ricky Rattray

Cracking stuff Charlie - my Thursday poker game was ruined by a crack head demanding 'chonk' over and over again. I left but I was told Big K showed him the door, the lintel and a few other bits of masonry. Anyway, a hard and worthy take on the Festival crowds, dope and being a Leith Dad. Mitch :-)

stormwolf

The Edinburgh Festival Part II - Bring Me The Head Of Ricky Rattray

well done on the nib Charlie. Told like a pro! ;-)

Alison x

e-griff

The Edinburgh Festival Part II - Bring Me The Head Of Ricky Rattray

I'm still reading ... just not commenting.

watch that Alison, you smooth bugger! :-)

Around the UKAuthors table

Member Shoutbox

Say hello, share a thought, or tell fellow members what you’re working on.

Active in the last 30 minutes Checking…

Loading the conversation…